API

مش بس انت و صاحبك بتفهموا بعض عالطاير 😉 كمان التطبيقات بتفهم بدون كلام كثير الـ API الصديق اللي ما بينعرفش قيمته إلا لما يختفي تخيل عالم من غير وسيط كل مرة بدك تشوف طقس، لازم تزور محطة الأرصاد بنفسك، وكل معاملة إلكترونية تتطلب وقفة في طابور البنك! هنا يجي الـ API يقول: "خليني أسهّلها عليك يا معلم!" 🦸‍♂️ الـ API (واجهة برمجة التطبيقات) Application Programming Interface - Application (التطبيق): أي برنامج له وظيفة محددة (مثل تطبيق فيسبوك، أو خوادم جوجل). - Programming (البرمجة): العملية التي يقوم بها المطورون لبناء التطبيق. - Interface (الواجهة): نقطة التقاء أو عقد بين طرفين، حيث يتم التفاعل بينهما. و هو - الوسيط الذكي بين التطبيقات، يخليها تتكلم مع بعض من غير ما تعرف بعضها شخصيًا! - الساعي الإلكتروني اللي بنقل طلباتك بين التطبيق والسيرفر بسرعة البرق ⚡ - الترجمان العالمي اللي بيخلي أنظمة مختلفة (مكتوبة بلغات برمجة متعددة) تفهم بعضها! تخيل عنا مطعم 🍽 بس ابعد عن غزة شوي 🥲 - أنت (العميل): بتطلب "بيتزا" من القائمة - المطبخ (السيرفر): عنده كل المقادير والخبرة - النادل (الـ API):بيوصل طلبك ويجبلك الرد ("جاهزة!" أو "نفذت الجبنة 🧀") بس لا مقارنة الـ API أسرع من أي نادل وأذكى من أي مترجم في العالم! ✨ أمثلة حية بتواجهها كل يوم 1. تسجيل الدخول بـ "جوجل" ، الـ API بيسأل جوجل: "هذا المستخدم حقيقي؟".. جوجل ترد: "آه، اسمه كذا وإيميله كذا" 2. الدفع الإلكتروني 💳 ، لما تدفع بـ "PayPal"، الـ API بيسأل البنك: "في رصيد؟".. البنك يرد: "أكيد، اخصم المبلغ" 3. تتبع الطلبات 🛵 ، الـ API بجيب لك موقع السائق بالضبط و بيجيب أقرب سائق ويحسب وقت الوصول 4. تطبيق الطقس ⛅ ، التطبيق نفسه ما عنده محطة أرصاد، بس بستخدم API يجيب له البيانات من المصادر المتخصصة . ⚙️ كيف بيعمل؟ (بأبسط خطوات) 1. الطلب (Request): التطبيق يبعت "سؤال" (مثل: "شو درجة الحرارة؟") 2. المعالجة:السيرفر يستقبل الطلب ويجهز الإجابة 3. الرد (Response): بيرجع المعلومات بشكل منظم (مثل JSON) 4. العرض:التطبيق يترجم الرد ويظهره لك بطريقة جميلة بدك أحسن من هيك مقصرين بحقه !؟ ✨ ليه الـ API مهم؟ سؤال مفروض يزعل منا ال API عليه - يوفر وقت وجهد: بدل ما كل مطور يخترع كل شي من الصفر بلاقيه جاهز فيوفر وقت وجهد هائلين ، موفر علينا و عارف قيمة وقتنا أكثر منا ، و ما بنحكي شكراً بس ال API بيحكي عفواً أكيد . - يحمي بياناتك : ما بيديش كل المعلومات الـ API كحارس بوابة، فهو لا يسمح بالوصول الكامل إلى قاعدة البيانات أو النظام بأكمله، بل تمنح وصولاً محدودًا ومتحكمًا فيه إلى وظائف وبيانات محددة فقط، هذا يحمي بيانات المستخدمين والأنظمة الحساسة . - يسهل الابتكار: بناء تطبيقات جديدة ومبتكرة فوق خدمات موجودة بالفعل أغلب التطبيقات الحديثة (مثل أوبر) ما كانت تظهر لولا APIs الجاهزة . - التكامل : تتيح للأنظمة المختلفة، التي قد تكون مكتوبة بلغات برمجة مختلفة وتعمل على خوادم متباعدة، أن تتكامل وتعمل معًا بسلاسة. 🎨 أنواع APIs - 🔵 Public APIs: مفتوحة للكل (مثل فيسبوك، تويتر) - 🟢 Private APIs:للاستخدام الداخلي بس (مثل أنظمة البنوك ) - 🟠 Partner APIs: للشركاء المحددين 99% من التطبيقات اللي بتستخدمها يوميًا (حتى أبسطها) بتعتمد على عشرات الـ APIs من ورا الكواليس! 📍الـ API مش مجرد كود ممل ، إنه الأسطورة اللي خلف كل خدمة رقمية بتحبها ، من غير ما نعرف ، هو اللي بيخلي حياتنا أسهل وأسرع ، بدون API كل تطبيق رح يكون "جزيرة منعزلة" وما في حد يقدر يوصل بينهم ، تخيل لو ما ما في طريقة تشارك فيها صورة من الإنستغرام لـ واتساب! بالـ API التطبيقات بتصير مثل "الأصدقاء المشتركين" اللي بيسهلوا عليك أمورك. الـ API زي "المندوب السري" اللي ما بتحس بيه، لكن لو اختفى يومًا، رح تلاقي الإنترنت واقف شغال! 😂 فيديو داعم للمحتوى https://youtu.be/rq7DvjN1Gco?si=rc21LreEsHshJWuG #GTC_rowad_batch4 #GTC_rowad_YasmeenAbuDib_batch4