دفا البطانية وجودة الحياة😎

في ركن صغير من الخيمة، كانت جارتنا "أم لُمى" قاعدة تخيط بطانية قديمة، وإحنا بنشرب شاي وبنتخرف(طبعًا بدون سكر، بس السكر بحلاوة قلوبنا😌) قالتلي: "بتعرفي يا سلسبيل الجودة مش بس بالشغل، الجودة صارت ضرورة بكل تفاصيل حياتنا بهالحرب." شدتني الجملة، سألتها: "كيف يعني؟" ابتسمت وقالت: "شوفي، الأسبوع اللي فات، أجانا كرتونة فيها بطانيات من التوزيع. البنات فرحوا، بس فجأة، صوت المندوبة نوال ارتفع وقالت: – استنوا، لازم أفحصهم وحدة وحدة. صارت تمسك كل بطانية، تتأكد من خياطتها، تشمّها، تشوف إذا فيها ثقوب أو ريحة رطوبة. ولما شافت إن في دُفعة مش كويسة، رجّعتها كلها للمخزن! نوال ما كانت تقبل نوزع شي ناقص. كانت تقول: – "الناس ما استنّت أسبوعين عشان تاخد بطانية مش دافية." ضحكت أم لُمى وقالت: "نوال كانت عيننا على المنتج النهائي، كانت تمنع إنه يوصل شي خربان لحدا، هي بالضبط مثل وظيفة اسمها بالإنجليزي Quality Control – QC." وقبل ما أرد، دخلت أم بيان على الخيمة، وكانت ماسكة ورقة مطوية. قالت: "أنا كمان طالعة على المخزن بكرا، لازم أشوف طريقة التخزين، المرات الجاية ما بدي ولا بطانية ترجع. راح أشوف كيف القماش بينجاب، وين بينحط، وكيف بيتخيط. ما بدي ننتظر المشكلة تصير، بدي نمنعها من البداية." أم لُمى نظرتلي وقالت: "هدول يا سلسبيل اللي بيشتغلوا زي أم بيان، بيشتغلوا في حاجة اسمها Quality Assurance – QA مش بيصلّحوا الغلط، بيمنعوه." وصلت؟👀 💡 إذًا، شو الفرق بين QA و QC؟ في كل مكان، سواء كنا بنبني تطبيق ولا بنوزع مساعدات لازم نفهم الفرق بين: 🔸 Quality Control (QC) هو اللي بيفحص المنتج النهائي، يدور على العيوب، ويمنع وصول شيء ناقص للناس. زي نوال، اللي فحصت البطانيات قبل التوزيع، وما خلت شي تالف يطلع من الخيمة. 🔸 Quality Assurance (QA) هو اللي بيراجع العملية نفسها، من أول خطوة لآخرها، عشان يتأكد إن ما في شي يطلع خربان من الأساس. زي أم بيان، اللي راحت تشوف طريقة التخزين والتفصيل، قبل ما يصير الخطأ. 👩‍💻 في سوق العمل، الموضوع مش دايمًا واضح! كتير شركات بتعلن عن وظيفة "QA Engineer"، لكن لما تقرأ Job Description بتلاقي كل المهام هي أصلاً QC: – كتابة test cases – تنفيذ اختبارات – التبليغ عن الأخطاء وكتابة Bug Reports. فالمسمى لازم نعرفه من المهام، مش من العنوان. إذا كان تركيز الوظيفة على process، التحسينات، الوثائق، المعايير: هذا QA أما إذا كانت على التست والتجربة والمنتج النهائي: هذا QC أنت الدفا الحقيقي في وقت الحرب😌 حتى لو ما بتشتغل بهالمجال، يكفي إنك قرأت كلماتي اليوم! شكراً لو وصلت لهان واستناني بمشاركة تانية يمكن تلهمك، يمكن تشبهك، ويمكن تلاقي فيها نفسك! #GTC_rowad_batch4 #GTC_rowad_SalsabeelAlhams_batch4