"ليش أتعلم تصميم وأنا مطوّر؟"

سؤال منطقي، صح؟ كمطوّر، تركيزك المفروض يكون بالكود والتقنيات. بس خليني أحكيلك ليش المعرفة بأساسيات التصميم رح ترفع مستواك بشكل ما تتوقعه:

 التواصل مع المصممين
لما تكون فاهم الأدوات زي Figma أو Adobe XD، رح تسهّل التواصل بينك وبين المصمم. مش بس هيك، رح تقدر تترجم التصميم للكود بدقة بدون ما تضيع الوقت بأسئلة عن كل تفصيلة.

 بناء واجهات مرنة وواقعية
فهمك للتصميم مش مطلوب يكون احترافي، بس معرفة أساسيات زي الـ Spacing، الألوان، والـ Typography رح تساعدك تبني تطبيق شكله جذاب ومرن على مختلف الأجهزة.

 التركيز على تجربة المستخدم (UX)
المطور الشاطر هو اللي يفكر "كيف المستخدم حيشوف ويستخدم التطبيق؟". لما تفهم شوية عن تصميم التجربة (UX)، رح تبني واجهات تتماشى مع توقعات المستخدم وتقلل الأخطاء.

 توفير الوقت
بدل ما تضيع وقتك بمحاولة فهم التصميم، معرفتك بالأدوات رح تخليك تقرأ التصميم مباشرة وتطلع منه بالمطلوب بشكل أسرع.

 النصيحة : مش شرط تكون مصمم، بس كل ما زادت معرفتك بأساسيات التصميم، كل ما كنت مطوّر أقوى وأكثر احترافية. خلي عندك رؤية شاملة عشان تكون مميز عن باقي المطوّرين ، وبس.