معلومة تقنية مهمة لحمايتك من فيروسات الفلاشات

معلومة تقنية مهمة لحمايتك من فيروسات الفلاشات في خاصية بالويندوز لازم توقفها فورًا، لأنها ممكن تفتح باب لفيروسات تدمر جهازك وملفاتك، خصوصًا لو بتستخدم فلاشات أو هاردات خارجية أو أقراص CD.

 الخاصية اسمها: AutoPlay أو AutoRun

ليش مهم تطفيها؟
لأنها بتخلي الجهاز يشغّل أي فلاشة أو هارد تلقائيًا أول ما توصله… بدون ما تطلب منك!
يعني لو الفلاشة فيها فيروس، ممكن يشتغل لحاله قبل ما تلحق تفهم شو اللي صار.

 أمثلة على فيروسات بتنتشر هيك:

• فيروس autorun.inf
• فيروس الشورت كت (Shortcut Virus)
• فيروسات الفدية وتشفير الملفات
• أدوات تجسس بتنقل نفسها من جهاز لجهاز

 كيف تطفي AutoPlay؟

1. افتح Control Panel
2. روح على:
   Hardware and Sound > AutoPlay
3. اضغط Save تحت.

وفوق، شيّل الصح عن:

 Use AutoPlay for all media and devices

عند كل خيار (زي Removable Drive وMemory Card) حط:

 Take no action

 هيك بتمنع التشغيل التلقائي للفلاشات والهاردات، وبتقلل احتمال الإصابة بالفيروسات.

 نصيحة من القلب:
دومًا افحص أي فلاشة أو هارد خارجي ببرنامج حماية قبل ما تفتحه.
برامج الحماية القوية (مثل Bitdefender أو Kaspersky) ضرورية خصوصًا إذا بتتعامل مع أجهزة ناس تانية أو بتشتغل في مختبر أو مكتبة.#غزة #فلسطين #أمن_رقمي #حماية_الكمبيوتر #فلاشات #فيروسات #نصائح_تقنية #تكنولوجيا_مفيدة

#GTC_rowad_batch4#

GTC_rowad_Mohammed_AbuHassan_batch4