Progressive Web Apps

السلام عليكم .. يعطيكم العافية جميعا
تخيل معي السيناريو التالي، انت زلمة عندك موقع وربنا فاتحها عليك موقعك محترم وعليه شغل ولنفترض انو E-Commerce store
لكنك حبيت بيوم ما يكون موقعك تطبيق عالموبايل فشو نعمل؟

ممكن تقلي بنعمل تطبيق flutter او react native شبيه
طيب مش حابب هاد الخيار رغم قوته واهميته!

بيجي عنا حل يسمى Progressive web app (PWA)
هو سوفتوير مبنى باستخدام تقنيات الويب ، لكنه بيعطي تجربة شبيهة للتطبيقات.

هاد السوفتوير بيشتغل على عدة منصات بكود واحد!
وممكن تنزله على الجوال ويكون كتطبيق عادي تفتحه وتتعامل حتى لو كنت اوفلاين! بل بيشتغل كمان على اي جهاز يدعم عمل المتصفح.

في امثلة كتير مشهورة بتشتغل على هاد المبدأ :
تويتر لايت ، اوبر ، ستاربكس ، بنترست وكتير من التطبيقات.

بعض المزايا:
-بستفيد من هاي التقنية اني بزيد من دعم المواقع للموبايل .
-وبتزيد عندي اعداد المستخدمين اللي بيفوتو موقعي عن طريق الموبايل "الاشي اللي ممكن يكون مجدي ماديا"
-بنقلل الbounce rate
-التطبيق ما رح ياخد مساحة من الجهاز مثل التطبيق على الموبايل

فيه شوية عيوب:
انك محدود التصرف في حالة الoffline
وكمان تعامل التطبيق مع النظام مرات بيكون محدود او بعض الfunctionality بتكون مش شغالة

انا شايف انو woth it انك تعرف عنه ، هو مش دايما مطلوب لكنه حل لزيز لبعض الامور التقنية.