تجاوز الحدود🚀: اكتشف كيف يغير المحاكي Genymotion قواعد اللعبة للمطورين😉
تخيّل معي ي صديقي العزيز لو كانت فكرة الأجهزة الإفتراضية "Virtual Devices" مش موجودة كان إيش حيصير؟ 🤔
كان أُجبر كل مبرمج إنو يشتري كل أنواع الأجهزة بكل الإصدارات بمختلف الشركات 😲 و هادا بسبب تنوع الأجهزة الذكية لحتى يقدر يعمل اختبار و محاكاة للتطبيق عليهم تخّيل معي الكارثة 🤯 و بهيك بيستهلك وقت أطول في اختبار كل جهاز على حدى بمختلف الإصدارات و بالتالي حيأثر بشكل سلبي على عملية التطوير لأنها حتصير أبطئ 🤦♀️ غير طبعاً التكلفة للي حتزيد عليه و بهيك الموضوع ميصير مرهق و مش عملي من الأساس 😕
فبسبب هاي المشاكل و العقبات وُجِدت فكرة الأجهزة الإفتراضية للي كان أولها Android Emulator للي سهلت على المطورين كتير شغلات منها💁♀️
📍التحكم الكامل و المرونة لأنها بتوفر للمطور القدرة على إنو يغير كل الإعدادات بالطريقة للي بتناسب احتياجاتو زي دقة الشاشة، حجم الذاكرة، إصدار نظام التشغيل و غيرها
📍توفير بيئات محاكاة متنوعة مكنت المطور من اختبار تطبيقه على أنواع مختلفة من الأجهزة الافتراضية بسهولة وسرعة.
📍الإستفادة من قدرات المعالجة القوية للحواسيب الحديثة لأنو بيمكنك من عمل محاكاة لمواصفات مختلفة من الأجهزة في وقت قصير و ما ننسى أكيد إنو ما في تكلفة 🤩
طبعاً إنت هلأ بتحكي في مخك و أنا سمعاك 😏 طيب و بعدين معك ي ندى 🙄 ما أنا عارف كل هاي الشغلات يعني مش شايف أي معلومات جديدة بصراحة ليش بتحكيلي كل هالكلام🙃 حأقولك لأنو اليوم حأحكي عن أداة الها علاقة بهادا الموضوع فاصبر على رزقك شوية 😏
بس قبل ما أحكي عنها أكيد أغلبكم جرب Android Emulator خبروني بالتعليقات شو هي الشغلات للي ما بتحبوها فيه؟👀 لأنو أداتنا لليوم أداة زي السُكّرة 🌟الها علاقة بهادا الموضوع و للعلم هي مش جديدة، مستعدين أعلن عنها 📢 🥁
⚡Genymotion Tool⚡
هو محاكي بيوفر بيئة افتراضية لإختبار و تطوير تطبيقات الأندرويد و تم أستخدمه من أكثر من 2,500,000 من المطورين و بيدعم حوالي 20 نوع من الأجهزة زي Samsung, LG, Sony و غيرها كتير.
و السؤال البديهي للي حيجي في بالك أنا كمطور ليش أستخدموا بدل Android Emulator 🤔حأقولك لانو بيقدم كتير من الميزات للي مش موجودة فيه، منها💁♀️
🔅 أول شي الأداء و بصراحة بيعمل تنفيذ للتطبيق بشكل أسرع من المحاكي الإفتراضي و عن تجربة حتى لو كنت بتعمل تنفيذ لأكثر من جهاز بنفس الوقت🌀 و هادا بسبب بيئة الجهاز الإفتراضي المحسّنة و استخدام تسريع الأجهزة و بهيك صارت التجربة أكتر استجابة و بالتالي ساعد في اختبار التطبيقات الحساسة للأداء زي تطبيقات streaming و تطبيقات الواقع الافتراضي و المعزز أو حتى تطبيقات الألعاب.
🔅 تاني شي التنوع في الأجهزة والإعدادات لأنو بيوفر مجموعة كبيرة من الأجهزة الافتراضية المُعدة مسبقًا مع إصدارات أندرويد وأحجام شاشات ومواصفات أجهزة مختلفة، و هادا بيخليه الأسهل في الاختبار من خلال ملفات تعريف أجهزة متنوعة، و الإشي الحلو هي إمكانية تخصيص الأجهزة وهادي بدهم سقفة عليها 👏 لأنو بيمكنك من إنك تنشئ و تخصص الجهاز بطريقة بتناسب متطلبات الاختبار الخاصة فيك.
🔅 تالت شي ميزات snapshot & restore لأنو بيمكنك من حفظ واستعادة لقطات لحالة الجهاز الافتراضي، هادا طبعا بيفيدك في إختبار سيناريوهات مختلفة بسرعة من دون ما تحتاج لإعادة تكوين المحاكي في كل مرة.
🔅 رابع شي الإعتماد على الخيار السحابي cloud-based option و بصراحة هااادي الميزة خُنفُشارية راااائعة🤩 لأنو بيسمحلك إنك تشغل الأجهزة الافتراضية على الخادم ، وهادا طبعا بفيدك في إختبار الأجهزة عالية الأداء أو في البيئات للي بتكون فيها الموارد المحلية محدودة😬
🔅 خامس شي التكامل القوي مع أندرويد ستوديو وأدوات التطوير التانية زي vs code، و غير إنو متوافق مع " Android Debug Bridge - ADB" و هادا التوافق جدداً مهم لأنو ADB بيوفر امكانية التواصل و ارسال الأوامر لأجهزة الأندرويد من تثبيت التطبيقات و تنفيذ أوامر تصحيح الأخطاء و سحب ملفات Logs و الوصول الى ملفات النظام و غيرها و هادا بيعني إنو المحاكي بإمكانه إنو يستجيب بشكل فعّال للأوامر المرسلة من ADB تمامًا زي لو كان جهاز أندرويد حقيقي. و هادا بيخليه أداة قوية للمطورين للي بيحتاجوا لاختبار تطبيقاتهم في بيئة افتراضية مشابهة للبيئة الحقيقية.
و لكن هادا ما بيعني انو Android Emulator سئ لا سمح الله و الله شغلو التاني زي اللوز و كتير محترم مشان ما يزعل منا 😅 و لكن الاختيار بينهم بيعتمد على احتياجاتك لنكون منصفين😌
و الإشي الفخم و للي كتير حبيتو بصراحة💥 هو إنك بتقدر تعمل drag-and-drop ل APK File عليه و هو بشكل أوتوماتيكي حيثبتو، غير إنو بيدعم command line tool، و بيمكنك كمان من التحكم في ظروف الشبكة المختلفة يعني ممكن تغيرها ل 2G,4G,3G، حتى كمان بإمكانك محاكاة حالات البطارية المختلفة لاختبار استهلاك الطاقة لتطبيق، و كمان بإمكانك من خلالو تعمل محاكاة للتطبيقات للي بتستخدم فيها GPS 💥
و لكن الشغلة للي مش لطيفة 😬 هي إنو بيستهلك موادر الجهاز بزيادة سِنّة 👌 في بعض الأحيان لو احتجت لتشغيل بعض الإعدادات للي بدها أداء عالي، و كمان أكيد أكيد التكلفة 🤑 لأنو بعض الميزات من ضمن الخطة المدفوعة زي cloud-based option.
أما بالنسبة لطريقة تنزيلو فهي كتير سهلة و بسيطة 😌
📍ما عليك غير إنك تثبت genymotion من الموقع الرسمي 💁♀️
📍بدك تختار و تزبط إعداد الجهاز الإفتراضية للي بدك تشتغل عليه .
📍بدك تنزل إضافة genymotion في الأندرويد ستديو زي ما هو موضح في الصورة بالأسفل ⏬
📍و بس هيك صار عندك جاهز ما عليك الإ تعمل run لتطبيقك🚀 و لكن حيطلب منك لأول مرة الباث للي فيه المحاكي و حتلاقيه لو كان جهازك ويندوز في هادا المسار C:/ProgramFiles/Genymobile/Genymotion أما لو ماك حتلاقيه فيApplications/Genymotion.app.
#GTC_rowad_batch1
#GTC_rowad_NadaAlJarrah_batch1
